الشجاع اللي تسلسل في مطير

قبل غروب الشمس بالتحديد في وقت العصيـر
جالس لحالي والهمـوم القشـر فكّـت بابهـا
لابه مّسر،، ولامّقـر،، ولامّفـر،، ولا مطيـر
شّبيـت نـار الحـزن دوك النـار ياشبابهـا
آساير افكاري ولاادري ويش فالوقت المصيـر
ياالله دخيلك من عنا الضيقـه وكـل اسبابهـا
عن ضيقتي ياليت لي جنحان وآحّلـق وآطيـر
واترك طمان الارض وارقا فوق روس اهضابها
ودتني الذكرى على وقتٍ مضى يومي صغيـر
حسبى على الذكرى مع الضيقه وش اللي جابها
ذكرت من ذكره تخلخل في عروقي والضميـر
اموت مع طاريـه ساعـه فالزمـن واحيابهـا
واعيش جو الحزن حيث الحزن جوه جو غيـر
واضيق من نفسي واعّود ياصقـر وارضابهـا
لامن تذكرت الشجاع اللي تسلسل فـي مطيـر
عودٍ تقّفت به سنيـن العمـر فـوق اركابهـا
بالله ياقبـرٍ كبيـر وحاضنـن قلـبٍ كبـيـر
احفظ ثرا ارضك لايثـور اغبارهـا واترابهـا
داخلك ابوي اللي عطاني علم والشـي الكثيـر
ماانساه لو الناس تنسـى ساسهـا وانسابهـا
ياما هقابي واهتقابي يـوم انـا طفـلٍ غريـر
وابقى على ظنّـه وهـذي لحيتـي واشنابهـا
واليوم ياضلع النجج سلّم علـى وادي الجريـر
هـذي دموعـي سّيلـت داره وكـل اشعابهـا
ابذكره بابيات شعري لو حـرق فيـي هجيـر
وابوح لو الصمت لهمـوم النفـوس اولابهـا
مرحوم يامن له صليب الرآي لاجالـه شويـر
عسى جنان الخلد مثـواً لـه وريـح اطيابهـا
يارب جعله من هـل الجنـه وعّـده زمهريـر
يوم الخلايـق كـل نفـسٍ واقفـه لحسابهـا
راجيك ياالفرد الصمد يامن له الامـر الاخيـر
اقبل دعاتي وافـرج الضيقـه وكـل اسبابهـا

» وش الفتاة اللي
» هذا اللي صار اليوم
» ياويل اللي ما يضحك
» من اللي يساعدني في حل اللغز
» الطعنة اللي حاولت تأخذ الروح