يمة ياعمري يالغالي

يمــــــــــه ظلمني زماني وضاقت أوقاتي
وأصبـحــت أهوجس بهالغربه ترى لحالي
عـيـنــــي فديتك فقدت اليوم بسماتي
ووشلون بفرح وأنا هــمــــي بتــرحالي
فـــقـــدت شوفتك يامنبع طموحــاتـي
ياللي حـنــانــــك يساوي كل الأموالي
من لـــــي بـعــدك وأنا سطرن آهاتي
في دفتر الــهــــم وحبري دمع همالي
لو أفـقـــد الناس كل الناس ما أحاتي
إلا إنـــتــي يمـــه غيابك غير أحوالي
أصبــحــت أعاني وزدت بهل دمعاتي
ويــنك يا أغلى البشر ياعمري الغالي