الا ياصاحبـي مـاعـاد للدنـيـا ولامعـنـى
ولا الايـام لـه قيمـه .. مـن اول ماتفارقنـا
ظلامٍ اسودٍ دامس .. تدرج فـي محيـط اليـاس
على خطوات رجلك وانت تبعـد عـن مرابعنـا
تجي شمس وتجي قمره .. ويجي هلال وتعدى حول
على ضفة نهر نشِّـر لبعْـض ونخفـي دمعتنـا..
نهر مصهور فيه قلوب والفرحـه وامانـي اثنيـن
عسى الله يرحم قلوبٍ فـي ضفتكـم وضفتنـا
ظروف الوقت صدتنا .. وحظي مد لـك يـدّه
صفعنـي ثـمّ ودانـي غياهـب جـبّ موتتنـا
لاني بميّت ولاني حي .. ولا ضايق ولا مبسـوط
عديم احساس .. نبض القلب وصّل حدّه الادنـى
مريضٍ قد رماه الطب حجِر في غرفـة الانعـاش
يُغذى بالغلا .. يُحقـن بمصْـل أوصالنـا حقنـا
يقولون السهر يبري جـروح العاشـق الولهـان
وانا اقضي نهاري نـوم وانـام بوقـت سهرتنـا
اخاف اذكر ليالينـا وأذكـر مثـل ذاك اليـل
قمر ونجوم .. وكاس الحب شربنا لين مـا اثمَلنـا
نزعنا اليل وصارحنا بامـور إكثيـر .. نجهلهـا
جهلناها باسم الحـب واسـم الحـبِّ يجمعنـا
بكيتي ودمعة عيونك تشـبّ بجرحـي المكنـون
تقوليلي انـا مليـت مـن وقـت يلاعبنـا..!
مـدري غلطـة منّـي او انـي فاهـمٍ مجنـون
كتمت السر ليـن الصمـت تحـزم ثـم فجرنـا
عيون الحسد شافتنا وصابت سهمها بالقلـب..؟
او الروتين سرطن في خلايـا الوقـت .. دمرنـا
تقوليلي بعـد بكـرا بسافـر يـم دار الحـيّ..!
وانا الي كنت احسب انك على تخطيط رحلتنـا..
شهقت وطحت في صدرك على فراقك أهل دموع
وانـا الـي مـاذرف دمعـي سـو لله سامعنـا
شريط العمر قدامي مضـى فـي غيبتـي لحظـه
سنينٍ عشْر ومعها شهـور مـن اول ماتجاورنـا
احب بيتك واحب ارضه قبل لاشي هنـا يبنـى
احبك رسمـةٍ بالحلـم.. ولا بصدفـه تواجهنـا
خلاوي كنت في هالارض واسرحبك واروح بعيد
بنيت الحلم في هالارض وشفْـه انْهَـد بمجلسنـا
وقفت الملم ركونـي .. والملـم حلمـي الباقـي
مشيت ورافع ايدي .. عسـى الله لايفرقنـا ..!
